Iha loron Kinta-feira, 23 Fevereiru 2023, pájina Facebook Timor Leste Daily publika imajen balun ne’ebé hatudu “PLanu Urbanizasaun iha Hera- Metinaro iha 2027”
Tamba ne’e husu atu la share tutan imajen ne’e.
Ekipa Timor-Leste Fact Check tenta verifika faktu husi imajen hirak ne’ebé publika ho utiliza tool google lens no nia rezultadu hatudu katak imajen ne’e la’os imajen “Planu Urbanizasaun iha Hera- Metinaro iha 2027”, maibé Admin Timor Leste Daily foti imajen rai seluk ho intensaun bosok utilizadór mídia sosiál sira.
Imajen 1. The new Clark City Philippines
Imajen ne’e publika iha website inhabit.com iha loron 6 fulan Novembru tinan 2018 hosi Autor Megan Ray Nichols
Imajen 2. Australian Education City
Imajen ne’e publika iha website The Age iha 16 Dezembru 2015 husi autor Simon Johanson no Clay Lucas.
Imajen 3. The Syney Morning Herald
Imajen ne’e publika iha pajina opiniaun The Sysney Morning Herald husi Ross Gittins
Imajen 4. Daly City California
Imajen ne’e publika iha website Greenpal no mos pajina Facebook Civil Works ne’ebé publika imajen hanesan. Imajen rua ne’e deskreve sidade Daly iha California.
Imajen 5. Construction work of Kabul New City is ready to kick off
Imajen ne’e dezeñu sidade iha Kabul, Afganistaun, ne’ebé publika iha website sira hanesan The Times, KHAAMA Press, Ariana News.
Konkluzaun
Ekipa Verifika Faktus deteta katak deteta katak imajen sira ne’e hanesan ilustrasaun deit publika iha pajina Facebook Timor Leste Daily foti husi fonte sira ne’ebé mensiona iha leten.
Ekipa sujere atu utilizador media sosial sira labele fahe tutan ba informasaun ka foto sira ne’ebé laos faktu dezeñu planu Urbanu Hera Metinaro nian.