Iha Loron, Tersa, 16 Maiu 2023, plataforma grupu whatsapp, husi jornalista Timor-Leste mosu foto bulletin votu ba eleisaun parlamentár konsege sai viral no jornalista barak deskute tanba relasaun, naran partidu PLP no PD ne’ebé marka ho koor mean, mezmu antes ne’e, responsavel partidu ba asina bulletin votu ofisial iha salaun CNE, loron 5 Abril 2023 la hatudu koor marka letra mean ba Partidu PLP no PD.
Buletin votu eleisaun parlamentár mosu letra mean ne’e tanba STAE simu pedidu husi partidu politiku rua hanesan PLP no PD. Mezmu asina buletim votu ofisiál ne’e la iha partidu politiku mak mosu koor mean iha letra.
Hafoin Ekipa Fact-Checker Timor-Leste, buka no konfirma ho pesoál sira iha instituisaun STAE nNo CNE, relasiona ho buletim votu ba partidu Politiku numeru sorteiu 3 no 4 ho koor mean konfirmadu katak loos “Tuir partidu rua nia pedidu no aprova” tanba, partidu rasik mak husu STAE atu marka sira nia numeru buletim votu ho marka mean.
Buletim votu ne’ebé konsege viral iha whatsapp grupu jornalista Timor-Leste ne’e, la’ós “HOAX” maibé faktu tanba, hetan konfirmasaun husi Pessoál sira STAE no CNE no sira explika katak, buletim votu ne’e loos, grupu fake checking konfirma pesoál STAE No CNE liu husi media sosial hanesan Facebook no Whatsapp.
Referensia: STAE, CNE, Media Sosial no Grupu Jornalista Timor-Leste.
